Bywyd Effaith Isel

Cyflwyniad

I fyw bywyd effaith isel mae angen byw yn ysgafn ar y ddaear.

Hanfod hyn yw rheoli'r amgylchedd amgylchynol yn ddeallus a thrylwyr er mwyn uchafu cynnyrch (o ran egni, dwr, bwyd, lloches a chynnyrch) ac isafu gwastraff (drwy ailgylchu, compostio a systemau ynni effeithlon).

Yn ymarferol, golyga hyn fabwysiadu ffordd o fyw syml, lleol, yn seiliedig ar dir sydd yn gweithio gyda’r tir a’r cylchredau naturiol sydd ar gael i ni.

Er mwyn archwilio bywyd effaith isel, mae’n angenrheidiol creu system integredig o breswylfeydd ac isadeileddau sy’n abl i gefnogi menter o’r fath.

Datblygiad Effaith Isel

“Mae datblygiad Effaith Isel yn un sydd, drwy ei effaith amgylcheddol negatif isel, naill ai’n ehangu neu ddim yn cael lleihad sylweddol ar safon amgylcheddol.”

Simon Fairlie

Darpara ddatblygiad Effaith Isel gyfle digynsail i ailboblogi cefn gwlad drwy bobl sy’n ymroddedig i fywyd yn seiliedig ar dir ac sy’n ymwybodol o’r amgylchedd.

Bwriada Lammas arddangos ei bod yn bosib byw bywyd modern heb gost i’r ddaear. Mae bodau dynol, drwy fyw ar y tir, yn gallu datblygu perthynas gyd-fuddiol gyda’r byd naturiol sy’n gallu cefnogi bywyd gwallt a diwylliant dynol.

Rydyn ni, fel bodau dynol, yn ddibynnol ar y ddaear am ein hanghenion. Rydyn ni’n rhan gynhenid o we bywyd, yn wir rydyn ni mewn safle breintiedig. Gyda stiwardiaeth dda mae’r potensial ar gyfer amrywiaeth a digonedd yn enfawr. Credwn mai’r ffordd orau o gyflawni hyn yw drwy uno rheolaeth oleuedig o’n byd naturiol a’i hintegreiddio gyda rheolaeth y tir i ddiwallu ein hanghenion. Gofynna hyn am gysylltiad personol a chyfarwydd gyda’n hamgylchfyd, ac i bobl fyw a gweithio gyda’r rhythmau naturiol a’r cylchredau sy’n ffurfio’n byd.

Polisi Effaith Fechan

Mae polisi cynllunio newydd Sir Benfro ar Ddatblygiad Effaith Isel (polisi 52) yn torri tir newydd yn ei ddull o ddatblygu cynaliadwy yng nghefn gwlad.

I gysylltu â gwefan Cyngor Sir Penfro a gweld y polisi, cliciwch yma

Does dim ymgyrchoedd ar hyn o bryd